Би хэдхэн хоногийн өмнө намайг үргэлж ойлгож, дэмжиж байдаг эгчээсээ их гоё үг сонсоод миний нийтлэлийг уншдаг хүн бүрийг бас мэдээсэй гэсэн үүднээс оруулахаар шийдлээ. Хосууд яагаад муудалцдаг, яагаад салдаг вэ гэхээр хүн болгон бие биенийгээ ойлгохгүй, тохирохгүй болоод л гэж хариулдаг. Гэхдээ яг үнэндээ бие биенийгээ хангалттай хайрлаж чадаагүй болохоор л салдаг гэнэ.
Хосууд муудалцахаараа урьд нь түүнийгээ ямар ихээр хайрлаж байснаа мартаад зөвхөн түүний муу муухайг олж харан, хэзээ ч бүдгэрэхээргүй толбыг л үлдээдэг. Мэдээж маргаангүй амьдрал гэж байхгүй, үл ойлголцолгүй амьдрал нэг талаараа утгагүй байж болох ч хосууд минь аль болох бие биенийгээ ойлгож хайрлахыг хичээгээрэй.