Саяхан хичээл дээр өөрийн нэрний учир утгыг тайлбарласан эсээ бичүүлвээ. Миний нэр дэндүү энгийн болохоор яг юу гэж тайлбарлахаа мэдэхгүй их л бодож байж нэг иймэрхүү юм бичлээ.
Дуудах нэрийг ээж
аав өгдөг, дуурсах алдарыг өөрөө олдог гэсэн эртний сайхан үгээр энэхүү эсээгээ
эхэлье гэж бодлоо. Эцэг эхээс хайрласан нэр бүхэн цаанаа учир утга, бэлгэдлийг
агуулж байдаг. Миний нэрний хувьд аавын минь хайрласан энгийн боловч маш сайхан
утга учрыг бэлгэдэн өгсөн, түүнтэйгээ адил их түүхтэй нэр байгаа юм.
Айлын хоёрдохь
хүүхэд учраас ах эгчийнхээ нэртэй ойролцоо нэртэй болох гэсэн хамаатнуудын дунд
тогтсон бичигдээгүй хуулийн дагуу эгч бид хоёр утгын хувьд нэг их ялгараад байх юмгүй Аззаяа, Золзаяа
гэсэн ижил нэртэй боловч Золзаяа гэдэг нэрийг авсан түүх минь их сонин.
